«عاوزة حقي».. كارولين عزمي ترصد واقعة مضايقتها في الشارع بفيديو صادم (شاهد)
رصدت الفنانة الشابة كارولين عزمي واقعة التحرش بها بفيديو قصير عبر السوشيال ميديا وذلك اثناء استقلالها سيارتها في الشارع، لتنشرها وتطلب حقها فيما حدث بها.
كارولين عزمي ترصد واقعة مضايقتها في الشارع بفيديو صادم
حيث قالت «كارولين» عبر «انستجرام»: «أنا اللى يعرفنى أو متابعنى عارف انى شخص مالوش في المشاكل ولا عمرى شاركت مشكله تخصنى سوشيال ميديا”.
وتابعت قائلة: “باختصار، انهارده كنت في عربيتي وجنبي عربيه فيها واحد كسر عليا كل اللى عملتو انى بصتله وبصيت قدامى ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفجأت وهو بيقولى بتصوريني يا بنت الـ… ،سعتها اتخضيت وبدأت اصور بجد وانتو هتشوفو في الفيديو الحركات اللي بي أيدو والشتائم».
واستكملت: «بدأ يقولى تعالى ورايا والحقيقة انى مش عارفه اروح واره فين أو كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا، انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض!، اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور ويتفضح، انا عايزه حقى يرجعلى».
View this post on Instagram
مقالات أخرى قد تهمك:
بعد احتفالها بـ «عيد ميلاده».. كارولين عزمي تصدم الجميع بانفصالها عن خطيبها
بعد ارتباطها بـ نجل «سمير ويليم».. كارولين عزمى تستعرض مجوهراتها لمتابعيها (صور)