بشرى سارة بشأن الحالة الصحية للإعلامي وائل الإبراشي

قام الإعلامي يوسف الحسيني، بالكشف عن أخر تطورات الحالة الصحية للإعلامي وائل الإبراشي، موجها رسالة طمأنة لجميع محبيه، بعد تسائل العديد منهم عن أخر تطورات حالته الصحية بعد إصابته بفيروس كورونا، وذلك من خلال تقديمه برنامج «التاسعة»، الذي يُعرض على شاشة «التليفزيون المصري».

الحسيني: وائل الإبراشي حالته كويسة جدا

حيث قال الحسيني، خلال برنامجه، «الحمد لله، صحته كويسة جدًا، والحمد لله كل زملائه وأصدقائه يتواصلوا معاه، بنكلمه في التليفون، ونبعت له رسائل، وبيرد على التليفون، بس المسألة في إطار البعد عن الهوسة والدوشة».

وأضاف «الحسيني»، قائلا: «قعدنا مجموعة من محبيه وأصدقائه وزملائه، واللي نعتبره أخونا، قولنا نطمن عليه، بعتنا فويس نوت، وأخبارك ايه وكلام من ده، وهو رد علينا، ولسه النهاردة من ساعتين ونصف مكلمينه في التليفون، والراجل بيرد علينا الحمد لله والشكر لله، صحته فل الفل الفل، 100 فل و14، ليه بقى سبب إطلاق الشائعات».

الحسيني: ليه تقعد توجع في دماغك

وتساءل الإعلامي، «ليه تقعد توجع في دماغك، وتبذل جهد إنك تطلق شائعة، وتحطها على تويتر أو فيس بوك، أو تعمل بيها صورة على إنستجرام، ايه وجه الاستفادة؟، الشير واللايكات وكده وتبقى مشهور ومعروف؟ أنت كده شاطر يعني؟ حبوب كدة أنت يعني؟ حاجة مؤسفة ومهينة، مش هزار، أنت بتضر بنى آدم، بصرف النظر البنى آدم مين، وتضر أسرته وعائلته وأصدقائه وحبايبه والمقربين ليه».

الحسيني عن الإبراشي: بنكلمه في التليفون وبنسأل عليه

وواصل: « ليه تضر الناس اللي بتحبه بشكل عام، بتوتر الناس على الفاضي ليه؟، تدوش البنى آدم ده ليه؟، لية تجيله آلاف الرسائل على تليفونه، يبقى الشخص قاعد متوتر، وايه اللي حصل وايه اللي يجرى، ليه؟، مفيش أي سبب، لو سمحتم لا تلتفتوا للكلام ده خالص، ملكوش دعوة بالراجل غير في الإطار الجيد، عاوزين تطمئنوا عليه هنطمنكم، لأننا بنكلمه في التليفون وبنسأل عليه، وأول بأول احنا اللي نطمنكم».

مقالات أخرى قد تهمك:

بعد تداول إصابته بـ«كورونا».. نجل عادل إمام يكشف تفاصيل الحالة الصحية لوالده

شقيق ياسمين عبد العزيز يواجه انتقادات لاذعة بسبب وائل الإبراشي.. الجمهور: عاوز تتشهر وخلاص