بعد انتشار فيديو لزوجته.. تامر فرج يوجه رسالة نارية لمنتقديه (صور)

ياسمين شرفآخر تحديث: أغسطس 16, 2021

504

قام الفنان تامر فرج ، بالرد على الانتقادات وتوجيه رسالة نارية لمهاجميه بعد موجة الانتقاد التي تعرض لها خلال الساعات القليلة الماضية، عقب انتشار مقطع فيديو رومانسي برفقة زوجته.

تامر فرج يوجه رسالة نارية لمنتقديه

حيث قام تامر فرج، بإعادة نشر الفيديو، على حسابه الخاص على موقع التواصل الاجتماعي الشهير بـ “انستجرام”، وعلق عليه وكتب : “ادى أخرة اللى يحب مراته.. بيتفضح فى بوستات الغير? بلوجر معروفه نزلت الفيديو ده وعمل ضجه عندها وطبعا كان فيه تعليقات ظريفه و فى تعليقات من نوعية: المحن- ده تمثيل- تلاقيها مش مراته- مش لازم يعنى قدام الناس ما يعملوا كده فى بيتهم- تلزيق قوى- عيب كده قدام الناس وهكذا”.

وأضاف: “انا طبعا ما تضايقتش ومش بكتب البوست ده عشان اهاجم حد او ارد على حد… انا بس انتهزتها فرصه انى اشرحلكم اسلوب حياه اتمنى تنفذوه فى حياتكم.. أنا لا أجد اى حرج فى التعبير عن مشاعرى لزوجتى فى اى وقت خاصة اننا كنا فى مكان خاص الناس بتروحه عشان تنبسط بعيدا عن القيود فى أماكن أخرى”.

تامر فرج: أنا مش بدافع عن نفسي

وتابع قائلا: “انا مش بدافع عن نفسى انا بس بشرح برضه انى مش بدعو الى التعبير عن المشاعر الخاصه فى اى حته وبأى طريقه .. لكل مقام مقال برضه… انا بدعو انكم تفرحوا وتنبسطوا وماتخافوش من لوم او حسد .. لأن الوضع بقى سئ قوى فى حياتنا وكله قبح و موجات سلبيه”ز

ما تخافش من الحسد

واستكمل: “عشان كده لو عندك حاجه حلوه وجميله قدمها للناس وماتخافش حسد او لوم… عشان نعادل شويه نسبة القبح اللى حوالينا… ادى للناس أمل بدل اليأس اللى خانقنا.. الواحد بقى يخبى الحلو اللى عنده خوفا من الحسد او اللوم ويجى فى الوحش يطلع على السوشال ميديا يهرينا بوستات وعياط ويأس لحد ما يسود الدنيا فى وشنا”.

واختتم وكتب: “صدقونى البوستات السلبيه دى والكلمه القبيحه ممكن بجد تخلى واحد لا تعرفه ولا يعرفك ينتحر… وكلمه حلوه وكلمة تشجيع ممكن حتى تكون بتقولها ذوقيا و ماتقصدهاش ممكن تغير حياة بنى آدم… جدتي كانت بتقولى الكلام الزين يسد فى الدين… والرسول عليه الصلاة والسلام قال تفاءلوا بالخير تجدوه… وقانون الجذب بيقولك اديها ميه تديك تراوه”.