فنانة شهيرة تكشف تفاصيل خلافها مع محمد سامي بحفل زفاف نيللي كريم: «شغل شوارع»
قامت فنانة شهيرة بالكشف عن خلافها مع المخرج محمد سامي اثناء حفل زفاف نيللي كريم الذي أقيم مساء أول أمس بالساحل الشمالي، وسط مجموعة من الأهل والاصدقاء.
حيث قامت الفنانة إيمي سالم، بنشر منشور تروي فيه تفاصيل الخلاف عبر حسابها على موقع فيسبوك، منتقده أسلوبه بشكل كبير بعدما قام بتجاهلها ووجه لها السباب في حفل زفاف نيللي كريم بحسب وصفها في منشورها.
تفاصيل أزمة إيمي سالم ومحمد سامي
حيث قالت إيمي سالم:” في حاجة سيئة حصلت وكنت في حيرة أكتبها ولا لأ لكن قررت أكتبها.. ورغم إنها حاجة سيئة لكنها حصلت للأسف في يوم سعيد جدا..هو يوم فرح أختي وحبيبتي نيللي كريم.. طبعا قبل أي شيء مبروك للمرة المليون لنيللي وكان يوم يجنن وده سبب سكوتي امبارح لأني كنت عايزه الفرح ميتعكرش صفوه وجماله..كنت زمان بسمع كلمة إن الفنان الكبير الحقيقي لازم يكون إنسان كبير كمان..بس يمكن امبارح موقف أكدلي المقولة دي”.
وتابعت :” طبعا كلنا شفنا مسلسل ” نسل الأغراب ” في رمضان المسلسل اللي انتقده حوالي ال ٣٠٠ مليون عربي.. اللي انتقده حتى صناع العمل نفسهم وأبطاله كمان وشفنا فيه إهدار المال يشكل مرعب في مقابل عمل فني ركيك وضعيف للغاية .. الحسنة الوحيدة فيه أسماء أبطاله الكبار جدا ” السقا ” ” وكرارة” حتى الابطال الثانين ادوارهم انهارت عشان المدام تتلمع.. لدرجة إن الشركة المتحدة قررت وقف التعامل مع الأستاذ المخرج من كتر رداءة المسلسل و دي اول مرة تحصل في تاريخ الدراما للمخرج”.
وأوضحت:” طيب ايه بقى القصة.. القصة إني في رمضان وقت عرض المسلسل كنت زي كل الفنانين غالبا مش عاجبني المسلسل.. فكتبت تعليق على ” بوست ” كتبه الصديق ” أيمن سليم ” السينارست وكان تعليق منتقد للمسلسل.. والنقد زي ما اتعلمنا جزء من الفن ولازم الفنان يتقبل النقد لأنه ده الدافع الوحيد لتحسين أداؤه وتحسين إنتاجه.. لكن إنك تلاقي فنان بياخد النقد على إنه خناقة شخصية وعركة في شارع ومقاطعة وخلاف.. أنا مش هحكي عن علاقتي السابقة بإخوات الأستاذ محمد سامي البنات وبزوج أخته اللي اللي اعرفه قبل ما حتى اجي اعيش في مصر.. امبارح وأنا بتحرك في الفرح لقيت الأستاذ المخرج المحترم أوي في وشي هو ومراته النجمة الأحادية التي لا تتكرر.. فأنا لأني بنت ناس.. ولأني علموني إن انتقاد شيء قدمته في الفن مش خناقة وعركة فلقيتني بنية صافية بقوله هتسلم علي ولا مش عايز؟”.
وأشارت إيمي سالم إلى رد فعل محمد سامي قائلة:” فما كان من الأستاذ محمد سامي المحترم أوي والراجل خالص حرفيا بيدفعني بإيده بشكل عنيف وبيوسع الطريق لمراته وكمان بيتلفظ بألفاظ سوقية عني.. أنا سكت بس لحسابات لأن تربيتي أولا متسمحش إني أنزل لمستوى الشوارعية و السوقيه ده وثانيا عشان الليلة الجميلة لنيللي تفضل ليلة جميلة”:.
وأختتمت قائلة:”لكن حبيت أحكي الموقف بشكل علني هنا عشان نعرف كلنا إزاي الأستاذ المخرج شخص لا يعرف معنى الفن ولا الزمالة ولا سمع عن الأخلاق ولا يعرف ما معنى احترام المرأة حبيت أقول الكلمتين دول عشان نعرف مين هو محمد سامي.. شكرا يا أستاذ محمد على أخلاقك اللي فعلا شبهك”.
مقالات أخرى قد تهمك:
أول تعليق من نيللي كريم بعد حفل زفافها (صور)
مي عمر ومحمد سامي يخطفان أنظار الجمهور في أحدث ظهور لهما (شاهد)