رد فعل صادم من عمرو الجنايني بعد التسريب الصوتي الذي كشف مخططه لمجاملة الزمالك
شهدت الساعات القليلة الماضية، حالة من إثارة الجدل داخل الوسط الرياضي المصري بعدما انتشر تسريب صوتي لـ عمرو الجنايني رئيس اللجنة الخماسية السابق والتي أدارت اتحاد الكرة وهو يؤكد مجاملته لنادي الزمالك خلال فترة توليه مسؤولية اتحاد الكرة.
ولم يكتف الجنايني بالكشف عن مجاملته للزمالك، بل إنه طالب أمير مرتضى منصور المشرف العام السابق على الكرة بنادي الزمالك بالهجوم على النادي الأهلي.
تصريحات الجنايني المثيرة والتي أطلقها عبر تطبيق “كلوب هاوس”، أثارت غضبا شديدا واتهامات ضد اللجنة الخماسية حيث قال ” كنت بوجه أمير مرتضى عشان يطلع يقول تصريحات معينة علشان يضغط بيها على الأهلي”.
واضاف الجنايني خلال التسريب “كل الأندية دفعت مستحقات قيد اللاعبين إلا الزمالك فكان لازم نشوفله حل وقولتلهم ان احنا هنظبطلكوا القيد ولما المستحقات اللي ليكوا عند الاتحاد الافريقي تيجي في المستقبل هنبقي نأخد منها بس محتاج تفويض منكوا لأحد الأشخاص واحنا هنتصرف وبالفعل بعدها بيومين كنت حليت ليهم كل حاجة وبدأوا يقيدوا اللاعيبة”.
وتابع ” بعد ما عملت ده كله لاقيت البعض بيهاجمني طب انت بتهاجمني بعد ما عملتلك ده كله طب أنا المفروض كنت أطلع افضحك وأقول ان أنا عملت للزمالك ده كله ده أنا يتقطع لساني قبل ما أطلع أجرس نادي الزمالك”.
رد فعل عمرو الجنايني بعد انتشار التسريب الصوتي
جاء رد فعل عمرو الجنايني، صادما للغاية حيث كشف مصدر مقرب منه عما قاله الجنايني بعد الكشف عن التسريب، حيث قال ” وإيه يعني اللي أنا قلته كل اللي قلته حقيقة وما يهمنيش لا جمهور أهلي ولا جمهور زمالك”.
وأضاف عمرو الجنايني ” أنا معملتش كده عشان أنا زملكاوي رغم أن الكل عارف انتماءاتي الزملكاوية لن لو كان الأهلي في نفس موقف الزمالك واتطلب مني أعمل كده هعمل كده لأن في الأول وفي الآخر الأهلي والزمالك هما اللي بيديروا الكورة في مصر مش أي حاجة تانية”.
وتابع ” زي ما جاملت الزمالك فأنا جاملت الأهلي في بعض القرارات، وأي مجلس لاتحاد الكرة بيجامل الناديين، مفيش حاجة اسمها الاتحاد زملكاوي والاتحاد أهلاوي في النهاية ناديين بحجم الأهلي والزمالك مينفعش يكون شكلهم وحش”.