أول لقطات من داخل مطعم أحمد حسن وزينب.. وهذا أول تعليق لهما (شاهد)
أعلن اليوتيوبر المثير للجدل أحمد حسن وزوجته عن افتتاح مطعم خاص بهما، بالمشاركة مع عدد من أصدقائهما.
ووفقًا لما جاء في منشور كتبه أحمد حسن عبر حسابه على موقع التواصل الاجتماعي «فيسبوك»، قال أحمد حسن: «بعد بكرة الخميس، أجمل يوم فى حياتنا عشان أخيرًا حققنا حلمنا وهنفتح مطعم، يا رب يكون فتحة خير علينا، وبما أنكوا عيلتنا التانية لازم تشاركونا فرحتنا وتكونوا موجودين فى افتتاح مطعمنا الساعة ٣ العصر يوم الخميس الجاى».
أحدث ظهور لابنة ياسمين عبد العزيز.. وجمالها يخطف الأنظار
أول ظهور لابن محمد سعد.. المفاجأة أنه ظهر مع والده في أحد أعماله الفنية (شاهد)
واستطرد أحمد حسن: «أوعدكوا أنكوا هتاكلوا أحلى فرايد تشيكن فى مصر، وأنا وزينب وكتير من المشاهير اللى بتحبوهم هنكون موجودين يوم الخميس من الساعة ٣ العصر إلى الساعة ١٠ بليل، هنستناكوا لأن اليوم ده هنخربها تصوير صور و فيدوهات، ده غير فى مفاجآت كتير هتفرحوا بيها وهتعرفوها لما تيجوا».
وتابع حسن: «مستنى وقفتكم جنبنا وتشرفونا يا أحلى ناس فى الدنيا عشان اليوم مش هيكمل غير بيكم، وفى قرارات قررناها حابب أعرفهالكوا، قررنا زى ما هنتاجر على أرض الواقع نتاجر كمان مع ربنا، فقررنا أننا نخرج ٢ جنيه مع كل أوردر يخرج من المحل، أول جنيه هيخرج للفقراء والمحتاجين واليتامى والمرضى، وتانى جنيه هيخرج لصندوق تحيا مصر، دعما مننا لبلدنا الحبيبة مصر، والقرار ده سارى طول ما إحنا عايشين على وش الدنيا إن شاء الله».
